*دنيا العجب* شعر عامّي : بقلم الشاعرة : اميره الاحلام :

***دنيا العجب***
يادنيا فيكي العجب
والهم مداري
المر فيكي كاسات
والدمع ليه جاري 
والحزن فيكي صديق
والعرض فيه ساري
فيكي يادنيا العجب
الهم فيه حالي
زمن الاصيل فيه ضاع
والكاسي فيه عاري
فيكي الي ساكن عشش
وفيكي الي ف العالي
جثث عليها جثث
بيعلي بنيانه
بتعلي حيطك ليه
مداري جواه ايه
ظلم وفساد ودمار
وعلي ذلي خدت قرار
يهد احلامى
شايفاك هنا قدامي
ع الغدر ليه ناوي
وان كانت ضحكتي ف الوش
وقلبي بيعاني
وهو الي فيه الغش
وعايش بمليون وش
وبيسكن العالي
يبقي يازمن العجب
امتي هتصفا لي

*** اميره الاحلام***