| ***رصيف الحلم*** تدخل عيوني ف القزاز الاقي ناس جبس وخشب ياخدوا الاماني باستفزاز ولا أي دمعة تهزهم لاهما قادرين ع الكلام ولاهمي حتي يهمهم لابسين ف الفتارين ويامين ياخدني وسطهم وانا ف رصيف الحلم بتسول لنظرة تواسي ماشي ف سكة طويلة وضاع مني مداسي وحدي في دنيا الشقا بتمني الاقي مقاسي لا قلبي حمل التعب ولا روحي حمل مأسي اداري الاماني بالحسرة وامشي الخطوة منكسرة واتمني اكون زيهم والبس كمان لبسهم ولو حكموا عليا بالسكات هرضي بنصيبي وقسمتي وادفن همومي في شنطتي واستني اموت جنبهم **مني فهمي**  |
الخميس، 2 يونيو 2016
***رصيف الحلم* شعر عامّي : بقلم : الشاعرة *مني فهمي*
الاشتراك في:
تعليقات الرسالة (Atom)
ليست هناك تعليقات:
إرسال تعليق