جمال الماضي.. صباح المهداوي

جمال الماضي..

ياجنة اهلنة يا زمان وراح
فرح وشموع وملبس جفافي

ياطعم الحلاوه وراحة البال
عسل يومك يسلم على شفافي.

وياجار المحنه وناس الارباب
كل حرف التسمعة لجرح شافي

نخلة الجار جان ومستحة عثوك
وسعفها الغيره ضل لرمش غافي..

ماجان العليل تطيحة لاحداث
احداث المرح هي التعافي

ولان جان الكلب شايل مسرات
ولى الهم جذب بالناس لافي..

اريد انعت وكتنه البي بنايات
وقصور وحدايق والفيافي..

واترحم لكاسب راعي لعيال
ماهمه الجدم من يمشي حافي..

صباح المهداوي