وداع : باللهجة العراقية : بقلم : صباح المهداوي.. العراق..

وداع

ماعوفك وعد
باقي الكلب وياك
يا اغلى من روحي
ويانظر عيني

لاتسمع كلام
الا..وتشوف العين
يبو كلب السمح
يلتكبر بعيني

ماشيتك اخوي
وكلبي حباك
وصرت انت
الهوه البسماي
والبيني..

انا الماموت
اعوفن تعبك يروح
تره الموت السبب
مابينك وبيني..

تمر بيه المنايه
وروحي تهواك
ردتك عون اليه
وسلوتي..وديني

لتصدك حقيقة
تكلك انساك..
هذا انه..متت
لتكول..
ناسيني..

صباح المهداوي..
العراق..