***قهوة شجاعة***
يا أهل بلدي مش هضيع وقت ولا هاخد منكوا ساعة لا بخطب ف جامع ولا حتي عندي اذاعة عاوزالي قهوة محوجة بالجرأة وشوية شجاعة وف ايدي ورقة مسطرة اوصفني فيها وبراعة وف ثواني يحكي قلمي ع المرارة والاماني بتتحرق زي السيجارة والشرارة وامسك الولاعة لجل مااحرق بيها خوفي ف البداية الحكاية بالاختصار لما خونة ضربوا حيطك علي فتنتك واخدين قرار قالوا الجنيه بيحتضر جوه دوامة الدولار وانا ضيعت فيكي غرقت في حالة انكسار خيرك لغيرك واحنا حايسين ف انتظار حد يجي يجري نيلك يفك عنه الانحسار تيار ياخدني يشدني والضلمة سايدة ليل نهار طمي نيلك حزين ف سده عايش بيتنفس مرار مستني فارس يجي يشده وهو في حالة انبهار بتمني اشوف خطاويكي سابقة ف طريق امل يتحدي ازمة الاحتضار خلي نورك يشق غيمك يحلي ف عيوننا المرار صرخة غريق بينادي ابنه بصوت يقول الانتصااااااااااااااااااار
***مني فهمي***
 |
الجمعة، 27 مايو 2016
*قهوة شجاعة* عامّي : بقلم : مني فهمي
الاشتراك في:
تعليقات الرسالة (Atom)
ليست هناك تعليقات:
إرسال تعليق