لأرواح الشهداء (( أمانة شهيد)) بقلم : ...ليث العسكري...

بـقَلمي.. لأرواح الشهداء
(( أمانة شهيد))
شــفــت بـدلـة عـرس مـعروضـه للبيـع
گــلـت وســفــه وهضيمه شلون تنباع
بــيــها ريحة فـرح مـاتـخـاف تضـيــع
گــلي هــذاحـال الفرح لو يحس جـاع
سَــــديــت الـقــضيه وگــلت غــلـطــان
ســؤالي مــالــه داعي الحــد النـخـاع
وأخـذتـنـي صـفـنــه و إذكـرت فد يـوم
عـلـه جسـر البزيزه ذاك العرس ضـاع
الله واكبر يا وطن حته بفرحتي دمـوم
وجــفــوفـي الـمحنايه اطشرت بلگـاع
لشوكت هذا الوضع وليمته راح يدوم
ابــطــن امـه الرضـيع وشاب منه ولاع
چـفنــت الـصـبر او موته إمـن اسنـين
ومــثـل صــفــريه صـرت بيديـن جمّاع
گــطـع بيه الرزق بــس هيه علـسندان
كـلش جـبسه صارت وگوه ما تنطـاع
مَــل مــني وجـزع جـمّـاع الصـفـافــير
وانـطـاني ثـواب لاهـل ذاك الشـجــاع
ذاك الــشهـيـد الـعـرسه امـن اسـبــوع
مرته من البـچي چـودر حزنها اوجاع
بــدلــه بيـها فـرحه وبيـها ريـحة موت
وبيــها امـن البـياض الابد ما ينصاع
حـارت مابيـن الـحـزن ولـهـفـة الشوگ
ورادت بــدلت عــرســها الـيـوم تـنباع
احـلفـك بثـياب العرس لنگلبت اچفان
دزلــنـه الــشـريـف الـيــعدل ابـــســاع
دزلــنـه الــشـريـف الـيــعدل ابـــســاع

...ليث العسكري...