(((الشهره والمال فى عالم الأشعار))) شعر عامّي بقلم /محمودصلاح السيد22/6/2016

(((الشهره والمال فى عالم الأشعار)))
نص الشعب بيكتب أغاني 
والكلام كتير كانى وماني
فى واحد يخطف الكلام 
من على طرف لسان التاني
وشويه يطلعوا يغنوها
يمكن الأغنيه تضرب وياه
كلمات مش عارف معناها
والمطربين متلخبطين على بعضها
الصوت محشور فى الزور
لزمه سكر وليمون أو حتى حبة ينسون
وباقية الشعب بيرقصوا عليها
والعقل غايب فى الناس ومش فيها
والأخ شاعر نقاش
فنان ومعلم أنفاس
يطلع الموال يتقال
من مصر لحدعمان
ومعانا معلم محاره
يلقط الكلمه لومعديه فى طياره
ونفسه يطلع من الحاره
ويعيش مع على بابا فى المغاره
والأسطي مكوجي
كل كلامه أونطجي
والبيه صياد نفسه يرمي الكلام
يلمه شهره ومال
أصل العيشه على قد الحال
الناس بتحكي وتألف
وفجأه يجلهم تخلف
فى ناس مخصوصه بتكلف
على ناس تانيه بتولف
دا كار ياعم ماتتحلف
والشله مع بعض تروش
وأخرك فى الحيطه تخيش
والأستاذ أبو جلبيه
كاتب قصيده شعريه
وكام أغنيه ميه ميه
الكل عايز يعمل سبوبه
ويتشهر ويولع أنبوبه
والجيب يدفا
كده أنت عايش أكذوبه
وينداس عليك وتروح فى الكذوذه
بقلمي /محمودصلاح السيد22/6/2016