لكلشي مثل : باللهجة العراقية بقلم : صباح المهداوي العراق.

لكلشي مثل
وننطر امل
واعرفته طبعك بالضبط
حلمان وبطيفي حضرت
سولفتك بوسط الحلم
بس لسه وصفك ماكمل

لكل شي مثل
وننطر امل

بالصحوه مرني صاحبي
كلي بيانك مبتلي

كتله مثل
فسرته شتلات الورد
والشته وحبات البرد
منه قهر
منه صبر
منه سهر
منه الم
ماهو المثل

كلي احترس
وعز النفس
وشويه حس

خلف المثل
ياما امل
فسرته حلمك وكمل
الناس بالحب تبتلي
وانت ابتلي
ب
جرة عسل

لكلشي مثل
وننطر امل

صباح المهداوي
العراق.