((منو أنتَ )) باللهجة العراقية
================ منو انته ؟ منين انته ؟ آني لسا ماعرفتك لوّع كليبي خيالك لواعرفك وين انته لآخر الدنيا الحكك انته شسمك ؟ منين اجيت ؟ شلونه شكلك؟ يجوزانته الي بخيالي جنت اناجيك وعشكتك؟ انته معقولة الهويتك من كبل مااشوف وجهك؟ جنت احلم بيك وحدي وافز ملهوف وارسمك رسم من فكري وخيالي ونوبه اتخيل المسك جنت أشوفك مرة أسمر .مرة أشكر. مرة خمري ومرة لهفة بدمي تجري مرة بين انفاسي احسّك مرة اسرح بالخيال وجنّي يمك احجي وياك واسمعك واطرب لانغام حسّك واشم عطرك امشي تاخذني الأماني لعالم احلى من الخيال عالم تراوالي جنه كله أزهار وجمال جنك بحضني وابوسنك واشمك بيك حيرني زماني بس اريد اتذكرك وشلون كلّي ووين شفتك بالحدايق ؟ بالشوارع ؟ بالأسواق ؟ لاأظن بحفلة شفتك باوعتلي وباوعتلك واضحكتلي واضحتلك.؟!! لا ابد موش الحقيقة لااظن بالحلم شفتك هام بيك الكلب بيها انصاب من اسهام رمشك آخ منك دوختني بطيف حبك واني دايخ طول عمري بس اريد بيوم اعرفك منهو انته =========== الشاعر- مجيد عبد طاهر-العراق-2018-8-16 |
ليست هناك تعليقات:
إرسال تعليق